Ermənistan Hindistandan “Pralay” raketləri almağı planlaşdırır.
FED.az xəbər verir ki, bu barədə KİV Hindistanın "Alpha Defence" portalına istinadən məlumat yayıb.
Məlumata görə, “Pralay” taktiki ballistik raketləri düşmənin raket əleyhinə müdafiə sistemlərindən yan keçmək üçün manevr edə bilir.
“Pralay” raketi 150-500 km uçuş məsafəsinə malikdir və mobil buraxılış qurğusundan buraxıla bilər.
“Pralay” raketlərinin seriyalı istehsalına 2023-cü ildə başlanılıb. Hazırda Hindistan onları ilk növbədə Çinlə sərhəddə yerləşdirir. (Report)
