İlk dəfə hərbi xərclər 2 trilyon dolları keçdi.

Qlobal hərbi xərclər rekord həddə artıb

FED.az xəbər verir ki, dünya müdafiə xərcləri 2023-cü ildə 10,4% artaraq ilk dəfə 2 trilyon dolları keçib. “Defence One” portalının məlumatına görə, xərclərin böyük hissəsi artilleriya sistemləri və onlar üçün sursat, tanklar, hava hücumundan müdafiə raketləri və pilotsuz uçuş aparatlarının alınmasına düşüb.

Portalının əldə etdiyi mətnə ​​görə, Ukrayna və Qəzzadakı qarşıdurmalar, Qırmızı dəniz bölgəsində gərginliyin artması və Azərbaycanda milli silahlı qüvvələrin modernləşdirilməsi proqramlarının başlaması kimi səbəblərdən müdafiə xərcləri 2,12 trilyon dollara yüksəlib.

Ən böyük xərclər artilleriya sistemlərinin və onların döyüş sursatlarının, tankların, hava hücumundan müdafiə raketlərinin və pilotsuz uçuş aparatlarının alınmasına yönəldilib.

Analitiklər qlobal iqtisadiyyatın artım tempinin aşağı düşməsinə baxmayaraq, müdafiə xərclərinin 2030-cu ilə qədər artmağa davam edə biləcəyini bəyan ediblər. Onların hesablamalarına görə, bu il dünya ölkələri müdafiə məqsədləri üçün təxminən 2,25 trilyon dollar xərcləyəcək, 2028-ci ilə qədər isə bu rəqəm 2,55 trilyon dollara yüksələcək.