Avqustun 14-də dünyanın 10 ən zəngin sahibkarı 18 milyard dollaradək zərər görüb.
FED.az xarici KİV-ə istinadən xəbər verir ki, bunun səbəbi ABŞ birjalarında fond indekslərinin ucuzlaşması olub. Belə ki, 10 illik xəzinə istiqrazları 2 illik istiqrazlardan daha az gəlir gətirib ki, bu da qarşıdan böyük böhranın gəldiyinə işarədir.
“Forbes” reytinqinə başçılıq edən “Amazon” alış-veriş portalının təsisçisi və sahibi Ceff Bezos 3,5 milyard dollar itirərək ən böyük ziyana edənlərdən olub. “Facebook” sahibi Mark Zukerberqin varidatı 3,2 milyard dollar, LBMH dəbdəbəli mallar şirkətinin rəhbəri Bernar Arnonunkın isə var-dövləti 3 milyard dollar azalıb.
