Banner

Digər

Bakıda böyük - PARK SALINIR

Bakıda böyük - PARK SALINIR | FED.az
08:16 12 Noy 2019

Bakının Xətai rayonunda “Gənclik” parkı salınır. Parkın ərazisi 37,2 hektardır.

Azərbaycan Respublikasının Prezidenti İlham Əliyev və birinci xanım Mehriban Əliyeva noyabrın 11-də Heydər Əliyev Fondu tərəfindən Bakının Xətai rayonunda salınan yeni “Gənclik” parkında “Təbiət naminə birləş, Həyat naminə birləş!” layihəsi çərçivəsində ağacəkmə aksiyasında iştirak ediblər.

FED.az xəbər verir ki, Heydər Əliyev Fondunun icraçı direktoru Anar Ələkbərov bildirdi ki, burada böyük, özü də sadə bir park olacaq.

Eləcə də bax: Yeni park - İSTİFADƏYƏ VERİLİB

İnsanların asudə vaxtlarının səmərəli təşkili üçün burada bütün şərait yaradılacaq. Əsasən idman meydançalarına, idman qurğularına üstünlük veriləcək. Burada insanların daha çox təbiət qoynunda idman etmələri üçün xüsusi zolaqlar, velosiped yolları, sadə pikniklər üçün yerlər olacaq. İnsanların vaxtlarını, bayramlarını burada keçirmələri üçün bütün imkanlar yaradılacaq.

Prezident İlham Əliyev bildirib ki, parkda iaşə obyektləri də olmalıdır ki, vətəndaşlar gələndə onlardan istifadə edə bilsinlər.

"Hesab edirəm ki, park qısa müddət ərzində tamamilə abadlaşdırılacaq və vətəndaşlar üçün burada gözəl imkanlar yaradılacaq".

Digər xəbərlər

Banner