Hindistanlı milyarder Bezosu zənginlər siyahısında üstələyib.
Eləcə də bax: İlon Mask Çinə sərmayələrini genişləndirməyi - Planlaşdırır
FED.az biznes və maliyyə xəbərləri portalı Türkiyə mətbuatına istinadla xəbər verir ki, hindistanlı iş adamı "Adani Group”un sədri və qurucusu Qautam Adani ABŞ-ın elektron ticarət nəhəngi “Amazon”un qurucusu Ceff Bezosu üstələyərək dünyanın ikinci ən zəngin adamı olub.
Belə ki, Bezosun sərvəti 145,8 milyard dollara endikdən sonra Adani 146,9 milyard dollar sərvəti ilə siyahıda ikinci yerdə qərarlaşıb. 1-ci yerdə isə 260 milyard dollarlıq sərvətlə Tesla və SpaceX-in qurucusu İlon Mask qərarlaşıb.
Analitiklər sərvət reytinqindəki dəyişikliyin qısamüddətli ola biləcəyini və bu il 26 faizdən çox ucuzlaşan Amazon səhmləri ilə bağlı olduğunu düşünürlər.
Asiyanın ən zəngin iş adamı
İş adamı Bloomberg Milyarderlər İndeksində 14-cü yerdən başlayıb və zənginlər siyahısına sürətlə yüksəlib. Adani tərəfindən qurulan "Adani Enterprises Ltd" səhmlər bu həftə rekord həddə yüksəlib. Digər tərəfdən, Adani Qrupuna daxil olan şirkətlər 2020-ci ildən bəri 1000 faizdən çox böyüyüb.
Fevral ayında Asiyanın digər ən zəngin iş adamı olan hindistanlı milyarder Mukesh Ambani son iki ayda Bill Qeyts və fransalı Bernard Arnonu da siyahıda üstələyib. Bu, bir asiyalı iş adamının ilk dəfə olaraq ABŞ texnologiya sahibkarlarını üstələməsidir.
Adaninin qurucusu olduğu Adani Qrupunun hazırda neft-kimya, aerokosmik, müdafiə və məlumat mərkəzləri daxil olmaqla bir çox sektorda investisiyaları var. Son zamanlar Adani Səudiyyənin neft nəhəngi Aramco-da müştərək müəssisə də daxil olmaqla tikinti, polad kimi bir çox sahədə iş aparır.
