ABŞ ordusu İranın Hörmüz boğazında ticarət gəmilərinə hücum etmək qabiliyyətini zəiflətmək məqsədi daşıyan yeni hava hücumları edib. Paralel olaraq ABŞ İran limanlarına və sahil ərazilərinə dəniz blokadası elan edib.
FED.az xəbər verir ki, ABŞ Mərkəzi Komandanlığının (CENTCOM) yaydığı açıqlamada deyilir ki, "CENTCOM, İranın Hörmüz boğazında ticarət gəmilərinə hücum etmək imkanlarını zəiflətməyə davam etmək üçün bu gün Şərq vaxtı ilə saat 15:00-da İrana qarşı əlavə hava hücumu edib.
Bəyanatda hücumların ABŞ qüvvələrinin İran limanlarına və sahil ərazilərinə yenidən dəniz blokadası tətbiq etməyə hazırlaşdığı bir vaxtda həyata keçirildiyi qeyd edilərək, blokadanın Türkiyə vaxtı ilə saat 23:00-da qüvvəyə minəcəyi əlavə edilib.
