Noyabrın 16-da “Baku Marriott Hotel Boulevard”da “Gələcək üçün yenilən” şüarı ilə baş tutacaq III Maliyyə və İnvestisiya Forumunun spikerləri bəlli olub.

Eləcə də bax: Bakıda Çin şirkətlərinin möhtəşəm sərgisi başlayır - BAKI EKSPO MƏRKƏZİ

FED.az xəbər verir ki, “Facemark” MMC və “Admedia” reklam agentliyinin təşkilatçılığı ilə 500 nəfərə qədər şirkət nümayəndəsinin iştirakı ilə keçiriləcək forum ölkəmizdə maliyyə və investisiya sahəsinin inkişafına dəstəyi və sahə üzrə yerli kadrların daha da təkmilləşdirilməsini hədəfləyir.

“Baker Tilly” şirkətində biznes məsləhət xidmətləri üzrə direktor Niyazi Abbasovun moderator olacağı "İnvestisiya Strategiyaları" panelində “PAŞA Kapital İnvestisiya Şirkəti” QSC-nin direktor müavini Ruslan Xəlilov, "AzFinans İnvestisiya Şirkəti" QSC-nin direktoru İntiqam Səfərəliyev və Asiya İnkişaf Bankının (ADB) investisiyalar üzrə baş inzibatçısı Sənan Şabanov öz təcrübələrini bölüşəcəklər.

"Caspian Business Solution" şirkətinin təsisçisi Emin İsmayılovun moderatorluğu ilə baş tutacaq "Vergi və Hesabatlılıq" panelində İqtisadiyyat Nazirliyi yanında Dövlət Vergi Xidmətinin Vergi siyasəti Baş İdarəsinin rəisi Nicat İmanov, “KPMG Azərbaycan” şirkətinin vergi xidmətləri üzrə direktoru Rizvan Qubiyev, “PwC Avrasiya” şirkətinin texnologiyalar üzrə baş meneceri Fərid Qattal, "Good Finance" şirkətinin direktoru Vüsal Səlimov və "Accounting.Az" konsaltinq şirkətinin direktoru Ramin Ramazanov çıxış edəcək.

Forumun III paneli Niyazi Abbasovun moderatorluğu ilə keçiriləcək. "Maliyyələşmə Strategiyaları" panelində ADB-nin Özəl sektor əməliyyatları departamentinin investisiyalar üzrə baş mütəxəssisi David Urbaneja-Furelos, "AccessBank" QSC-nin İdarə Heyətinin üzvü İlkin Quliyev, SOCAR (Türkiyə) şirkətində neft emalı və neft kimya qrupunun maliyyə rəhbəri Elçin İbadov və “Azərbaycan Fintex Assosiasiyası”nın icraçı direktoru Azər Əkbərov maliyyə və investisiya sahəsinə aid fikirlərini bölüşəcəklər.

Maliyyə və İnvestisiya Forumuna bilet əldə etmək və tədbir ilə bağlı daha ətraflı məlumat əldə etmək üçün forumun rəsmi internet səhifəsinə (www.fifbaku.az) keçid edə və sosial media hesablarımızı izləyə bilərsiniz.

Facebook: https://www.facebook.com/fifbaku.az

İnstaqram: https://www.instagram.com/fifbaku.az/

Linkedln: https://www.linkedin.com/company/fifbaku-az/

İlin ən böyük maliyyə tədbirinə hər kəs dəvətlidir!