«Rabitabank» 2020-ci ilin 3-cü rübünün nəticələri üzrə maliyyə vəziyyətini açıqlayıb.
FED.az bankın hesabatına istinadən xəbər verir ki, hesabat dövründə bankın mənfəəti ikiqat azalıb.
Banklar 2020-ci ilin 3-cü rübünü belə başa vurdular - MƏNFƏƏT VƏ ZƏRƏR - SİYAHI - YENİLƏNİR
Bu dövrdə bankın faiz gəlirləri 34 milyon 47 min manat, faiz xərcləri 8 milyon 874 min manat, xalis faiz gəliri 25 milyon 173 min manat təşkil edib.
Bankın qeyri-faiz gəlirləri 9 milyon 742 min manat, qeyri-faiz xərcləri 21 milyon 377 min manat olub.
«ASB Bank»ın depozit portfeli və mənfəəti azalır – RƏSMİ HESABAT
İlk 9 ayın nəticəsi olaraq «Rabitabank» aktivlər üzrə mümkün zərərlərin qarşılanması üçün 9,7 milyon manat ayırıb. Bu ötən illə müqayisədə 3 dəfədən də artıqdır. Ötən il bu göstərici 2,9 milyon manat idi. Ehtiyat ayırmalarının belə kəskin artımı bankın kredit portfelində risklərin nisbətən artmasına işarə edir.
"Expressbank" 2020–ci ilin III rübünü - Mənfəətlə Başa Vurub
Nəticədə 9 ayın nəticələrinə görə, bankın xalis mənfəəti 3 milyon 844 min manat təşkil edib. Bu ötən ilin eyni dövrü ilə müqayisədə 2 dəfə azdır. Xatırladaq ki, ötən ilin eyni dövründə «Rabitabank»ın xalis mənfəəti 7,6 milyon manat təşkil etmişdi.
«AccessBank» 2020-ci ilin üçüncü rübünü - Mənfəətlə Başa Vurub
Hesabat dövründə bankın aktivləri 862 milyon manat təşkil edib.
İlin əvvəli ilə müqayisədə bank diigər banklardakı depozitlərinin böyük hissəsini – 155 milyon manatdan 107 milyon manatı geri çəkərək onu qiymətli kağızlara yatırıb (bu göstərici 54,7 milyondan 95,1 milyon manata yüksəlib), eləcə də nağd vəsait kimi bankda saxlayıb (127 milyondan 288 milyon manata yüksəlib).
Bu dövrdə bankın kredit portfeli 375,5 milyon manat təşkil edib. Onun yarıdan çoxunu (56%) biznes kreditləri, 26%-ni istehlak kreditləri, 16% isə daşınmaz əmlak kreditləri təşkil edir.
Bankın öhdəlikləri 761,7 milyon manat təşkil edir, bunun 582,3 milyon manatı depozitlərdir. İlin əvvələ ilə müqayisədə fiziki şəxslərin depozitləri 4 milyon manatdan çox, yəni təqribən 2% azalıb.
Bankın kapitalı isə dəyişməyərək 101,3 milyon manat təşkil edib.
