Avto

Azərbaycanda taksi istifadəçilərinin sayı iki dəfəyədək - Artıb

Azərbaycanda taksi istifadəçilərinin sayı iki dəfəyədək - Artıb | FED.az
10:52 16 İyul 2021

Bu ilin birinci yarısında Azərbaycanda avtobuslarla 495 196,5 min sərnişin daşınıb ki, bu da illik müqayisədə 17,5% azdır.

Eləcə də bax: Azərbaycan taksi xidmətlərinin ucuzluğuna görə - Lider Mövqelərdədir

Dövlət Statistika Komitəsindən FED.az-a verilən məlumata görə, 2020-ci ilin yanvar-iyun aylarında avtobus nəqliyyatı ilə 600 199,6 min sərnişin daşınıb.

Məlumata görə, hesabat dövründə minik taksilərindən 47 290,4 min nəfər istifadə edib ki, bu da illik müqayisədə 98% çoxdur. Belə ki, 2020-ci ilin yanvar-iyununda taksi xidmətlərindən 23 886,9 min nəfər istifadə edib.

Xatırladaq ki, ötən il ölkədə avtobuslarla 1 055 266,9 min sərnişin daşınıb ki, bu da illik müqayisədə 39,4% azdır. Hesabat dövründə minik taksilərinin xidmətindən 44 933,4 min nəfər istifadə edib ki, bu da 2019-cu ilin göstəricisi ilə müqayisədə 37,5% azdır. Azalma koronavirus pandemiyası çərçivəsində ötən ilin aprel ayından ölkədə tətbiq olunan karantin rejimi ilə əlaqədardır. (Apa)

Banner
Banner

Digər xəbərlər