Banner

Aqrar

Xurmada təhlükəli zərərverici – AŞKARLANDI

Xurmada təhlükəli zərərverici – AŞKARLANDI | FED.az
21:50 19 Noy 2018

Bakıda xurma məhsulundan Aralıq dənizi meyvə milçəyi aşkar olunub
 
Azərbaycan Qida Təhlükəsizliyi Agentliyinin (AQTA) fitosanitar müfəttişləri tərəfindən mütəmadi olaraq monitorinqlər davam etdirilir.
 
ELƏC DƏ BAX: Meyvə-tərəvəz istehsalçıları sənəd ilə işləməli olacaq - “BU, QƏBULEDİLMƏZDİR”
 
AQTA-dan FED.az-a verilən məlumata görə, monitorinqlər çərçivəsində Bakı şəhəri ətrafında yerləşən kəndlərdə karantin zərərli orqanizmlər sirayətlənməsi şübhə doğuran xurma məhsulundan müayinə üçün nümunələr götürülərək Azərbaycan Qida Təhlükəsizliyi İnstitutunun müvafiq laboratoriyasına təqdim edilib.
 
Aparılan müayinələr nəticəsində nümunələr götürülmüş xurma məhsulunda Aralıq dənizi meyvə milçəyi (Ceratitis capitata (Wedemann)) aşkar olunub. Bu zərərli orqanizm xüsusi ilə müxtəlif fəsilələrdən olan meyvə ağaclarına zərər vurur. Eyni zamanda meyvələrin çürüməsinə səbəb olan göbələklərin yayılmasına şərait yaradır.
 
Bununla bağlı olaraq, Kənd Təsərrüfatı Nazirliyi yanında Dövlət Fitosanitar Xidmətinə profilaktik tədbirlərin görülməsi üçün müraciət olunub.
 
Qeyd edək ki, Aralıq dənizi meyvə milçəyi Azərbaycan Respublikasının ərazisi üçün karantin tətbiq edilən zərərli orqanizm olmaqla, Türkiyə, Rusiya, Albaniya, Əlcəzair, Xorvatiya, Kipr, Misir, Fransa, Yunanıstan, Macarıstan, İsrail, İtaliya, Malta, Mərakeş, Portuqaliya və s. kimi ölkələrdə yayılıb.
 

Digər xəbərlər

Banner