“Azərbaycan Arıçılar Assosiasiyası balın idxal rüsumunun artırılması üçün aidiyyatı dövlət qurumlarına müraciət hazırlayacaq”.
FED.az xəbər verir ki, bu barədə Assosiasiya sədri Bədrəddin Həsrətov bildirib.
Onun sözlərinə görə, idxal rüsumlarının artırılmasında məqsəd bazarı qorumaqdır: “Daxili bazarı qoruya bilmirik”.
B.Həsrətov vurğulayıb ki, qiyməti 2-3 manata satılan bal ölkədə geniş yayılıb: “Bu qiymətə satılan balın tərkibi ilə bağlı bizdə şübhə var. Bu arıçılığın inkişafına böyük zərbə vura bilər”.
Hal-hazırda Azərbaycana gətirilən təbii bala tətbiq olunan gömrük idxal vergisinin dərəcəsi 10 faiz təşkil edir.
Ötən il ölkədə 3 min tondan çox bal istehsal olunub. Bu il isə 5 min tondan çox gözlənilir.
Eləcə də bax: "İnsanlar düşünürlər ki, vergi ödəmirəmsə, niyə hesabat verməliyəm?"
