Aqrar

Taxıl zəmilərinin 14,9%-i biçilib – MƏHSULDARLIQ 44 SENTNERƏ QALXIB

Taxıl zəmilərinin 14,9%-i biçilib – MƏHSULDARLIQ 44 SENTNERƏ QALXIB | FED.az
11:57 11 İyun 2020

Azərbaycanda taxıl biçini davam edir. Bu günədək ölkə üzrə zəmilərin 14,9 faizində biçin başa çatıb, 150794,4 hektar sahədən 453395,7 ton məhsul yığılıb. Biçilən sahələrin 147519 hektarı arpa, 3275,4 hektarı buğda sahələridir. İyunun 11-nə olan operativ məlumata görə, orta məhsuldarlıq 30,1 sent/ha, arpa üzrə 30 sent/ha, buğda üzrə 34 sent/ha təşkil edir.

Eləcə də bax: Azərbaycanda taxıl sahələrinin - 11%-İ FAİZİ BİÇİLİB

FED.az xəbər verir ki, Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsindən bildiriblər ki, biçin prosesinə 1413 kombayn cəlb olunub. Bunlardan 517-u "Aqrolizinq" ASC-nin rayon bölmələrinin balansında olan kombaynlardır. "Aqrolizinq" tərəfindən məhsulun tez və itkisiz yığılması üçün biçinə başlanmayan dağlıq və dağətəyi rayonlardakı bölmələrdən hazırda aktiv biçin prosesinin getdiyi Aran rayonlarına əlavə olaraq 185 kombayn dislokasiya olunub. Biçin prosesində hüquqi və fiziki şəxslərin mülkiyyətində olan 711 kombayn da iştirak edir. "Aqrolizinq"in kombaynları tərəfindən 58382 ha, hüquqi və fiziki şəxslərin kombaynları tərəfindən

bu günədək arpa üzrə ən yüksək 92412,4 hektar sahə biçilib.

İndiyədək ən yüksək məhsuldarlıq Tovuz rayonunda qeydə alınıb - 44 sent/ha. Bərdə (39,7 sent/ha) Sabirabad (38,1 sent/ha), Saatlı (37,7 sent/ha), İmişli (37,6 sent/ha), Samux (37,6 sent/ha), Salyan (37,5 sent/ha), Ağdam (36,6 sent/ha), Qax (35,7 sent/ha), Tərtər (34,4 sent/ha) və Ağsu (33 sent/ha) rayonlarında məhsuldarlıq göstəricisi yüksəkdir.

Qeyd edək ki, bu il Azərbaycanda 1010218 hektar sahədə payızlıq taxıl əkilib. Bunlardan 640977,6 hektarı buğda, 369240,4 hektarı arpa sahələridir.

Biçin prosesi davam edir. (Azərtac)

Digər xəbərlər