Bakı və Moskva Rusiyadan Azərbaycana düyü toxumunun tədarükü imkanlarını öyrənir.
Azərbaycan Rusiyaya aqrar məhsulların ixracını artıracaq
FED.az xəbər verir ki, Rusiya Kənd Təsərrüfatı Nazirliyinin məlumatına görə, bu məsələ bu gün Bakıda Azərbaycan Baş nazirinin müavini Şahin Mustafayevlə Rusiyanın kənd təsərrüfatı naziri Oksana Lutun görüşündə müzakirə olunub.
Məlumatda qeyd olunub ki, bu ilin 8 ayı ərzində ölkələr arasında ticarət dövriyyəsinin həcmi 2023-cü ilin eyni dövrü ilə müqayisədə 10 % artıb.
Tərəflər bildiriblər ki, Rusiyadan Azərbaycana əsasən buğda, günəbaxan yağı və qənnadı məmulatları ixrac edilir.
“Görüşdə vurğulanıb ki, Rusiya müəssisələri Azərbaycana buğda, yağ-piy məhsulları və şəkər tədarükünü artırmağa hazırdır”, - nazirlikdən qeyd ediblər. (Report)
