Azərbaycanda payızlıq taxıl əkini mövsümü yaxınlaşır.
Eləcə də bax: Aqrar sığorta ölkənin 60 rayonunu əhatə edib - SÜRƏTLƏ GENİŞLƏNİR
Fermerlər əkin sahələrini və yığılacaq məhsulu müxtəlif risklərdən, o cümlədən yanğın, dolu, zərərvericilər, xəstəliklər və 3-cü şəxslərin vurduğu zərərdən qorumaq barədə indidən düşünməlidirlər.
Aqrar Sığorta Fondundan FED.az-a verilən məlumata görə, ölkəmizdə dövlət dəstəyi ilə tətbiq edilən yeni aqrar sığorta mexanizmi vasitəsilə taxıl sahələrini sadalanan risklərdən qorumaq mümkündür. Aqrar sığorta qaydalarına əsasən, fermerlər və sahibkarlar tərəfindən ödənilən sığorta haqqının 50%-i dövlət tərəfindən ödənilir.
1 hektar taxıl sahəsini yanğından, doludan və digər hadisələrdən qorumaq neçəyə başa gəlir?
Təqribən 1200 manatlıq taxıl yığılan sahə üçün sığorta haqları (fermerin ödəyəcəyi məbləğ) belədir:
Qarabağ regionu - 10 manat
Şərqi Zəngəzur regionu 10 manat
Şəki-Zaqatalada – 16-17 manat
Lənkəran–Astara region - 7 manat
Qazax–Tovuz ərazisi – 24-25 manat
Mərkəzi Aran rayonları - 8 manat
Quba-Xaçmaz bölgəsi - 7 manat
Mil–Muğan regionunda - 8 manat
Abşeron-Xızı bölgəsində - 7 manat.
Gəncə–Daşkəsən regionunda – 24-25 manat
Şirvan–Salyan zonasında - 8 manat
Dağlıq Şirvan bölgəsində - 11-12 manat
Bakıda - 7 manat.
Fermerlər və iş adamları öz əkin sahələri üzrə sığorta haqqının məbləğini Aqrar Sığorta Fondunun rəsmi internet səhifəsində yerləşdirilmiş «Bitkiçilik kalkulyatoru» (https://asf.gov.az/insurance-calculators/crop-insurance) vasitəsilə sərbəst şəkildə hesablaya bilərlər.
Bütün hallarda fermer sığorta haqqının yalnız 50%-i ödəyəcək, məbləğin qalan 50%-i fermerlərə dəstək üçün dövlət ödəyəcək.
