Aqrar

Ölkədə bu günədək 28 min tondan artıq - ŞƏKƏR ÇUĞUNDURU YIĞILIB

Ölkədə bu günədək 28 min tondan artıq - ŞƏKƏR ÇUĞUNDURU YIĞILIB | FED.az
13:59 23 Sen 2019

Bu il Azərbaycanda 7345,93 hektar sahədə şəkər çuğunduru əkilib.

Kənd Təsərrüfatı Nazirliyindən FED.az-a verilən məlumata görə, bu sahələrdən 5693,13 hektarı sadə üsulla, 1652,8 hektarı isə Pivot sistemi ilə suvarılır. Ümumilikdə bu il 25 rayonda şəkər çuğunduru becərilib. Ən çox şəkər çuğunduru İmişli (917,65 ha), Ağcabədi (843,5 ha), Tovuz (668 ha), Tərtər (670,45 ha) Beyləqan (557,7 ha), Füzuli (553.7 ha) rayonlarında əkilib.

Eləcə də bax: Qənd və şəkər tozu istehsalı - 78 FAİZƏDƏK ARTIB

Hazırda respublikada şəkər çuğunduru yığımı davam edir. Sentyabrın 23-dək sahələrdən 28 min 226 ton şəkər çuğunduru yığılıb. Yığım göstəricisinə görə Hacıqabul rayonu öndədir. Rayonda bu il 171,8 hektar sahədə şəkər şuğunduru becərilib, bu günədək sahələrdən 8 min 498 ton məhsul yığılıb. Tovuz rayonunda 3 min 995 ton, İmişlidə 3 min 502 ton, Ağcabədidə 3 min 253 ton şəkər çuğunduru toplanıb.

Trend

Digər xəbərlər