Aqrar

Kürə 30 minədək balığın buraxılması - PLANLAŞDIRILIR

Kürə 30 minədək balığın buraxılması - PLANLAŞDIRILIR | FED.az
14:55 7 Okt 2019

Neftçala rayonunda Kür çayına körpə nərə balıqları buraxılıb.

FED.az xəbər verir ki, Ekologiya və Təbii Sərvətlər Nazirliyindən verilən məlumata əsasən, nazirlik və “Az Varvara” MMC-nin birgə təşkilatçılığı ilə Neftçala rayonunda nərə balıq körpələrinin Kür çayına buraxılması həyata keçirilib.

Eləcə də bax: Bu ilin sonunadək Kür çayına 400 minədək balıq - BURAXILACAQ

Təşkil olunan mərasimdə BMT-nin Ərzaq və Kənd Təsərrüfatı Təşkilatının, Ekologiya və Təbii Sərvətlər Nazirliyinin, Neftçala rayon İcra Hakimiyyətinin, “Az Varvara” MMC-nin əməkdaşları və ictimaiyyət nümayəndələri iştirak edib. 

“Az Varvara” MMC-nin Balıqyetişdirmə Təsərrüfatında yetişdirilmiş çəkisi 40 qramadək olan minlərlə balıq körpəsi xüsusi avadanlıqlar vasitəsi ilə çaya ötürülüb. Qeyd edək ki, oktyabr ayının sonunadək ümumilikdə 30 minədək balıq körpəsinin Kür çayına buraxılması planlaşdırılır. 

Bu cür tədbirlərin keçirilməsində məqsəd ölkənin təbii su hövzələrində balıq populyasiyasını tənzimləmək, balıq məhsullarını əhalinin təlabatına uyğunlaşdırılmaq və onların qorunmasının vacibliyini təşviq etməkdir. ETSN vətəndaşları balıq ehtiyatlarının qorunmasında yaxından iştirak etməyə, qadağan olunmuş vaxtlarda, qadağan olunmuş üsullarla balıq ovlamamağa, onları qorumağa və sivil qaydalarla balıq ovlanmasının təşviqinə dəstək verməyə çağırır. 

Digər xəbərlər