“İnvestel GROUP” MMC Qazax rayonunun II Şıxlı kəndində iri layihələr həyata keçirir. FED.az xəbər verir ki, bu layihələrdə kənd təsərrüfatı məhsullarının əkini, biçini və istehsalı ilə məşğul olan cəmiyyət tərəfindən bu sahənin inkişafı üçün 12 milyon manat investisiya qoyulması nəzərdə tutulub.

“İnvestel GROUP” MMC tərəfindən Xram çayı üzərində 3 pilləli nasos stansiyası inşa edilir. Cəmiyyət tərəfindən əkin sahələrinin suvarılması üçün 13,5 kilometr uzunluğunda su xətti çəkilir. Sahələrdə hər birinin tutumu 4500 kubmetr olan iki su hovuzunun inşası davam etdirilir. Cəmiyyət tərəfindən əkiləcək 900 hektar sahənin 200 hektarını kartof, 200 hektarını qarğıdalı, 200 hektarını noxud, 200 hektarını buğda və 100 hektarını isə arpa sahəsi təşkil edəcəkdir.