Azərbaycanda suvarma suyu ilə bağlı problemlərin həllinə İsrail şirkətləri də cəlb edilib.
FED.az xəbər verir ki, İsrailin «Mekorot» şirkəti Azərbaycan üçün qarşıdakı 30 il müddətinə kənd təsərrüfatı üçün su təsərrüfatının baş planını hazırlayacaq.
Bununla bağlı «Mekorot» şirkətinin idarə heyətinin sədri İshak Aaronoviç və Meliorasiya və Su Təsərrüfatı ASC-nin sədri Zaur Mikayılov arasında işçi saziş imzalanıb.
Aprelin 5-də imzalanan saziş Azərbaycanın kənd təsərrüfatı üçün nəzarət və məsləhət xidmətlərinin göstərilməsin nəzərdə tutur.
Müqaviləyə əsasən «Mekorot» şirkəti Azərbaycan üçün suvarma suyu ilə bağlı baş plan hazırlayacaq. Görülən işlərin qiyməti bir neçə milyon şekel (şekel – İsrailin pul vahidi, 1 dollar 3,34 şekeldir – FED.az) məbləğindədir.
«Mekorot» şirətindən İsrail mətbuatına bildirilib ki, şirkət bu işlər çərçivəsində Azərbaycanda suvarma ilə bağlı cari vəziyyəti və su balansını analiz edəcək, gələcək 30 il müddətinə sudan istifadə həcmi ilə proqnozlar hazırlayacaq.
«Azərbaycan hazırda suvarma suyunun qıtlığından əziyyət çəkir və bu qıtlığın həcmi təqribən 1 milyard kubmetrdir. Azərbaycan tərəfi sudan istifadənin effektiliyinin artırılması, su ehtiyatlarının tükənməsi prosesi, monitorinq və texniki xidmət üçün qabaqcıl modellərin əldə edilməsi, eləcə də elektrik enerjisindən istifadə xərclərinin aşağı salınması ilə bağlı məsləhət xidmətləri almaq istəyir» - deyə yerli mətbuat yazıb.
Səfər çərçivəsində «Mekorot» Azərbaycan tərəfinə özünün bir sıra həllərini təqdim edib. Söhbət bütün dynada istifadfə olunan innovasiya və texnologiyalardan gedir. Bura müxtəlif startapların ideyaları, kibertəhlükəsizlik, böyük data məlumatları, qabaqcıl enerji istehlakı üsulları və optimallaşdırılması, su təchizatının idarə edilməsi və istismarı kimi mövzular aiddir.
«Mekorot»un rəhbəri İshaq Aaronoviç bildirib ki «Mekorot» Azərbaycan bazarına təkcə bizne kimi deyil, ölkədə ümumi fəaliyyət üçün əsas kii baxır. Bununla bağlı olaraq Azərbaycanda şirkətin yerli nümayəndəliyinin açılması nəzərdə tutulur, nümaynədəlik, layihələrin icrası ilə bağlı işləri həyata keçirəcək və Azərbaycanın digər qurumları ilə əlaqələr yaradacaq.
Yeri gəlmişkən, bu razılaşma son bir ildə «Mekorot»un imzaladığı 3-cü xarici sənəddir. Bundan əvvəl İordaniya və Bəhreynlə də müqavilələr bağlayıb.
Qeyd edək ki, «Mekorot» nəinki İsrailin, ümumiyyətlə dünyanın tanınmış su təsərrüfatı şirkətlərindən biridir. 80 illik tarixə malik olan şirkət, faktiki olaraq səhrada yerləşən və mürəkkəb su şəraiti olan İsrailin problemlərinin həllində iştirak edib. İsrailin su xəritəsini də bu şirkət hazırlayır.
«Mekorot» şirkəti bütün növ su təsərrüfatlarının idarə edilməsi və xidmətləri ilə məşğuldur. Bura dəniz suyunun şirinləşdirilməsi, quyu suları, yeraltı sular, duzlu sular və sair hallar aiddir. Şirkət bütün sahələrin – ev təsərrüfatlarından tutmuş sənaye və əkin sahələrinin su ilə təchizatı xidmətləri, hidrologiya və qazma, suyun təmizlənməsi, eləcə də se idarəetmə sistemlərinin qorunması və idarə edilməsi aiddir. Şirkət hər gün evləri, fermaları və fabrikləriə ümumilikdə 1,5 milyard kubmetr su ilə təmin edir. Ondan 8 milyon nəfər istifadə edir.
Yeri gəlmişkən, «Mekorot» şirkəti müqaviləyə uyğun olaraq Fələstin dövlətini və İordaniya Krallığını da su ilə təmin edir.
