Aqrar

Gübrə satan obyektlərdə - POS-TERMİNALLAR QURAŞDIRILACAQ

Gübrə satan obyektlərdə - POS-TERMİNALLAR QURAŞDIRILACAQ | FED.az
13:21 6 Fev 2020

Aqrar Kredit və İnkişaf Agentliyinin (AKİA) gübrə satışlarını həyata keçirən mağazaları POS-terminallarla təmin etməyə çağırıb.

FED.az xəbər verir ki, bunu  AKİA-nın sədri Mirzə Əliyev pestisid və toxum təchizatçıları ilə görüşdə deyib.

Eləcə də bax: Azərbaycanda - 600-Ə YAXIN FERMER "ELEKTRONLAŞDI"

Onun sözlərinə görə, bu günədək Elektron Kənd Təsərrüfatı İnformasiya Sistemində 83 gübrə və pestisid təchizatçısı, 250-dən artıq toxumçu qeydiyyatdan keçib. Payızlıq əkinlərə gübrə vermək vaxtının başladığını qeyd edən AKİA sədri təchizatçıları qeydiyyatdan keçməyə çağırıb.

O həmçinin Subsidiya İnformasiya Sistemində (SİS) bu günədək 465 321 fermerin 594 855 təsərrüfatını qeydiyyatdan keçdiyini bildirib. Fevralın 4-dək 245 387 fermerə məxsus 336 954 təsərrüfat təsdiq edilib. 342 min fermer tərəfindən 690 min əkin payızlıq əkin bəyanı SİS-ə daxil olunub. Bundan 243 min fermer tərəfindən edilmiş 431 min əkin bəyanı yoxlanılıb və təsdiq edilmiş sənədlər üzrə 719 min hektar əkin bəyanı SİS-ə daxil edilib.

Fermerlərin subsidiyaları yeni qaydalarla alacağına hazırlıqların tam sürətlə getdiyini deyən M. Əliyev bu günədək 179 000 ədəd Fermer kartının sifariş olunduğunu vurğulayıb.

"Çap olunan 163 min ədəd Fermer kartı hazırda tərəfdaş bankın yerli filialları tərəfindən fermerlə paylanır", - deyə M. Əliyev əlavə edib.

APA

Digər xəbərlər