Dövlətə məxsus "Azərbaycan iİnvestisiya Şirkəti" (AİŞ) “Mərcan” brendi altında toyuq məhsulları istehsal edən "Azerbaijan Poultry Company" MMC-nin təşəbbüsü ilə həyata keçirilən Damazlıq Yumurta İstehsalı layihəsinə 2 milyon 290 min manat sərmayə yatırır.
Yevlax Pilot Aqroparkda daha iki şəxs - REZİDENTLİK STATUSU ALDI
FED.az xəbər verir ki, "Yevlax Aqropark" ərazisində ən son texnologiya və müasir proseslərdən istifadə etməklə illik 18 milyon ədəd istehsal gücü olan yerli damazlıq yumurta istehsalı zavodu tikilir. Layihədə AİŞ-in payı 29.9% təşkil edir.
Layihə daha keyfiyyətli və münasib qiymətli damazlıq yumurta istehsal etməklə ölkənin idxaldan asılılığını azaltmaq və qida təhlükəsizliyini təmin etmək məqsədi daşıyır.
Xəbər verdiyimiz kimi, Azərbaycan və İsraili təmsil edən beş dövlət və özəl müəssisə yüksək keyfiyyətli inkubasiya yumurtaları istehsalı üçün birgə müəssisə yaratmaq haqda razılığa gəliblər. Birgə müəssisəsnin iştirakçıları; Azərbaycandan - özəl investisiya şirkəti "Moonwake", Azərbaycan Dövlət İnvestisiya Şirkəti, "Azerbaijan Poultry Compan" MMC, İsraildən -"Agrigo Group" və "Agri-tech şirkəti Shani Ray Technologies Ltd" şirkətləridir.
Birgə müəssisə istehsal 2024-cü ildə başlayacaq.
"Azərbaycan İnvestisiya Şirkəti" ASC (AİŞ) Prezidentin müvafiq Sərəncamı ilə 2006-cı ildə yaradılıb. AİŞ-in bütün payları Azərbaycan dövlətinə məxsusdur. Şirkət Müşahidə Şurası tərəfindən idarə edilir. AİŞ-in məqsədi Azərbaycan Respublikasının qeyri-neft sektoruna kapital investisiyalarının yatırılmasıdır.
