Azərbaycan 2023-cü ilin əvvəlindən 750,8 ton sitrus meyvəsi ixrac edib.
Azərbaycan sitrus meyvələrinin ixracını - 10 DƏFƏYƏDƏK ARTIRIB
FED.az xəbər verir ki, bu barədə Azərbaycan Respublikası Kənd Təsərrüfatı Nazirliyi bildirib.
Nazirlikdə illik hesablamada bu göstəricinn 10,8 dəfə artdığı vurğulanıb.
"İxrac göstəricisi dəyər ifadəsində 2022-ci ilin yanvar-fevral ayları ilə müqayisədə 6,3 dəfə artaraq, 582,8 min dollar olub", - nazirlikdən bildiriblər.
Qeyd edək ki, 2022-ci ilin yekunlarına görə, Azərbaycanın ixrac olunan kənd təsərrüfatı məhsullarının dəyəri 2021-ci illə müqayisədə 3,2 faiz artaraq 1,14 milyard dolları keçib. Ötən il ölkədən ümumilikdə 396 min ton meyvə ixrac edilib ki, bu da 2021-ci illə müqayisədə 5,6 faiz yüksəkdir. (Trend)
