Aqrar

Azərbaycanda bu il 100 min hektaradək sahədə pambıq əkini - Proqnozlaşdırılır

Azərbaycanda bu il 100 min hektaradək sahədə pambıq əkini - Proqnozlaşdırılır | FED.az
13:10 23 Aprel 2021

Bu il Azərbaycanın 17 rayonunda 100 min hektara yaxın sahədə pambıq əkini proqnozlaşdırılır.

Kənd Təsərrüfatı Nazirliyindən FED.az-a verilən məlumata görə, hazırda yazlıq əkinlər davam edir və bugünədək pambıq əkini ilə bağlı 63 684 hektar sahədə çiyid səpini həyata keçirilib. Artıq sahələrin 4 157 hektarında çıxış alınıb. Çiyid səpininin optimal müddətdə başa çatacağı gözlənilir.

Pambıqçı fermerlər həm əkin, həm məhsul subsidiyası alırlar. Fermerlərə pambıq sahəsinin hər hektarına görə 260 manat (220 əkin subsidiyası +40 manat dizelin bahalaşmasından sonra artırılan subsidiya məbləği), təhvil verilən pambığın hər tonuna görə 100 manat subsidiya ödənilir.

Subsidiya almaq istəyən fermerlər öz əkinlərini digər yazlıq əkinlər kimi mayın 31-dək Elektron Kənd Təsərrüfatı İnformasiya Sistemində bəyan etməlidir.

Subsidiyalar pambıqçıların “Fermer kartı”na köçürülür. “Fermer kartı”nın nağdsız hesabında olan məbləğ yalnız elektron qaydada gübrə, toxum, pestisid almaq üçün istifadə edilə bilər.

Qeyd edək ki, ötən il Azərbaycanda sahələrdən 336,5 min ton pambıq yığılaraq qəbul məntəqələrinə təhvil verilib. Pambıq üzrə orta məhsuldarlıq 2019-cu ildə 29,5 sentner, 2020-ci ildə 33,6 sentner təşkil edib. Bu, Azərbaycan pambıqçılıq tarixində qeydə alınan ən yüksək orta məhsuldarlıq göstəricisindən biridir. (Apa)

Banner
Banner

Digər xəbərlər