Azərbaycanda balıqçılıq sahəsi üzrə subsidiyalaşma mexanizmi tətbiq oluna bilər.
Eləcə də bax: Balıq ovuna qoyulan - Qadağa Götürülür
FED.az xəbər verir ki, "Azərbaycan Balıq İstehsalçıları və Emalçıları Assosiasiyası" İctimai Birliyinin İdarə Heyətinin sədri Zaur Salmanlı bildirib ki, bununla bağlı təkliflər yaxın vaxtlarda hökumətə təqdim olunacaq.
“Əfsus ki, Azərbaycanda balıqçılıq kənd təsərrüfatı sahəsinə aid edilmir. Biz bu sahənin kənd təsərrüfatı sahəsinə aid edilməsi üçün yaxın vaxtlarda hökumətə təkliflərlə müraciət edəcəyik. Təkliflərdə həmçinin balıqçılıq təsərrüfatlarının subsidiyalaşması mexanizmi də öz əksini tapıb. Yəni hər balıq növü üzrə subsidiya müəyyən edilib. Ümid edirəm ki, bizim müraciətimiz cavabsız qalmayacaq”, - deyə Z. Salmanlı qeyd edib. (Apa)
