"Azərbaycan və Çin müxtəlif yerlərdə Aqrar-sənaye parkının yaradılması imkanlarını araşdırır".
FED.az xəbər verir ki, bunu Azərbaycan İqtisadiyyat naziri Şahin Mustafayev jurnalistlərə açıqlamasında bildirib.
Eləcə də bax: Azərbaycan və Çin müştərək Aqrar-sənaye parkı yaradır - MÜQAVİLƏ İMZALANDI
Nazirin sözlərinə görə, bu ilin noyabrında Azərbaycan nümayəndə heyətinin Çinə səfəri çərçivəsində bu ölkədə keçiriləcək idxal sərgisində bu layihənin reallaşdırılması istiqamətində daha konkret addımlar atılacaq.
Ş.Mustafayev qeyd edib ki, Çində görüş zamanı Aqrar-sənaye parkın yaradılması ilə bağlı artıq layihələr müzakirəyə çıxarılacaq: "Belə ki, layihə çərçivəsində Azərbaycanda traktor istehsalı zavodunun, suvarma avadanlıqların istehsalı, bir sıra kənd təsərrüfatı məhsullarının emal zavodunun yaradılması nəzərdə tutulur. Sərmayələrin həcmi 100 mln dollarla ölçüləcək. Yaradılacaq iş yerlərinin sayı isə minlərlə olacaq".
Xatırladaq ki, bu gün İqtisadiyyat Nazirliyinin tabeliyində Azərbaycan İnvestisiya şirkəti ilə Çinin CAMCE şirkəti arasında Aqrar-sənaye parkının yaradılması ilə bağlı Anlaşma Memarandumu imzalanıb.
Report
