Aqrar

Aqrar sahədə yeni jurnal çap - OLUNUB

Aqrar sahədə yeni jurnal çap - OLUNUB | FED.az
14:54 27 Sen 2019

Aqrar sahədə yeni jurnal işıq üzü görüb.

FED.az xəbər verir ki, jurnalın nəşrinə Aqrar Kredit və İnkişaf Agentliyi (AKİA) koordinasiya dəstəyi verir. Rüblük 5 min nüsxədə çap olunması nəzərdə tutulan "AQROSKOP" jurnalında aqrar sahə üzrə peşəkar mütəxəssislərin yazıları, araşdırma, təhlil və yeniliklər yer alıb.

Eləcə də bax: Azərbaycanda yeni fitosanitar portal - İSTİFADƏYƏ VERİLƏCƏK

“Məqsədimiz fermerləri maarifləndirmə və məlumatlandırma işində Kənd Təsərrüfatı Nazirliyinə kömək göstərmək istəyən şirkət və qurumları həvəsləndirməkdir. Aqrar sahədə fəaliyyət göstərən hər kəs bilməlidir ki, fermerin daha məlumatlı olması bu sahədə inkişafı sürətləndirir. Belə niyyətlə çıxış edən hər bir təşkilat bizim dəstəyimizə əmin ola bilər. İstər məlumat təminatında, istərsə də aqrar sahədə fəaliyyət göstərən ekspertlərlə əlaqələndirmədə biz böyük məmnuniyyətlə öz köməyimizi göstərəcəyik, – deyə "AQROSKOP"” jurnalının təqdimatında AKİA-nın sədri Mirzə Əliyev deyib.

Jurnalın baş redaktoru Sima Çələbi bildirib ki, onilliklər öncə sahənin monitorinqi aparılmadan əkin edərək, biçimdə əl arabası kimi alətlərdən istifadə olunurdu. Bu gün hər bir azərbaycanlı fermer kosmosdan çəkilən görüntülər, həmçinin PUA-lardan yararlana bilər.

“Bizim ali məqsədimiz sahəsinin öncül mütəxəssislərinin biliklərindən yararlanaraq, oxucuların rahatlıqla faydalana bilməsi üçün dəstək olmaqdır. Hədəfimiz-əsrlərə söykənən əkinçilik və heyvandarlıq tarixi olan bir xalq kimi zamanla ayaqlaşmaq yox, ondan öndə olmaqdır”, – deyə redaktor deyib.

Jurnalı Dövlət Aqrar İnkişaf Mərkəzlərindən əldə etmək olar.

http://agro-d.az/images/Kataloq_SON.pdf

Digər xəbərlər