"Əkinçi BO Fermer Təsərrüfatı” MMC tərəfindən Ağcabədi rayonunun Harami düzündə aqroparkın yaradılması məqsədilə suvarma sisteminin quraşdırılması zamanı tikinti altına düşəcək ağacların məhv edildiyi aşkar olunub.
FED.az məlumat verir ki, Ekologiya və Təbii Sərvətlər Nazirliyinin mətbuat xidmətindən verilən xəbərə görə, faktla bağlı "Əkinçi BO Fermer Təsərrüfatı” MMC barəsində ağacların köçürülməsinə aid verilmiş icazəyə əməl edilmədiyinə görə akt tərtib olunub və təbiətə 37650 manat məbləğində ziyan dəydiyi müəyyən edilib.
Eləcə də bax: Fermerlərin və kənd təsərrüfatı təyinatlı torpaqların – UÇOTA ALINMASINA BAŞLANILIB
Dəymiş ziyanın məbləği cinayət tərkibi yaratdığından toplanmış sənədlər barələrində müvafiq tədbirlərin görülməsi üçün Ağcabədi rayon Prokurorluğuna göndərilib.
Apa
