2023-cü ilin yanvar-noyabr ayları ərzində daşınmaz əmlak üzərində 436.533 mülkiyyət hüququnun qeydiyyatı aparılıb. Bu, 2022-ci ilin eyni dövrü ilə müqayisədə 31,4% çoxdur.
Əmlak Məsələləri Dövlət Xidməti büdcəyə ödəmələri - 26% ARTIRIB
FED.az İqtisadiyyat Nazirliyi yanında Əmlak Məsələləri Dövlət Xidmətinə istinadən xəbər verir ki, 2023-cü ilin 11 ayı üzrə göstəricinin 67.968-si (15,5%) ilkin, 368.565-i (84,5%) isə təkrar qeydiyyatın payına düşür.
Bundan başqa, məlumatda qeyd olunur ki, 2023-cü ilin yanvar-noyabr ayları ərzində fərdi yaşayış və bağ evi üzərində 49.328, mənzil üzərində 86.545, torpaq sahəsi üzərində 290.306, qeyri-yaşayış binası üzərində 2.904, qeyri-yaşayış sahəsi üzərində 6.689, əmlak kompleksi üzərində 673, çoxmərtəbəli yaşayış binası üzərində isə 88 mülkiyyət hüququnun qeydiyyatı aparılıb. Bu dövrdə dövlət qeydiyyatına alınan daşınmaz əmlakların 91.029-u Bakının, qalanı isə bölgələrin payına düşür.
“Cari ilin yanvar-noyabr ayları ərzində 347.348 texniki pasport tərtib edilib. Bu, ötən ilin eyni dövrü ilə müqayisədə 32,2% çoxdur. 2023-cü ilin 11 ayı ərzində qeydiyyata alınan ipoteka müqavilələrinin sayı əvvəlki ilin müvafiq dövrünə nisbətən 14,3% artaraq 74.281 təşkil edib”, - deyə məlumatda bildirilib.
