“Aqrarkredit” QSC-nin balansındakı problemli aktivlərin idarəolunması ilə bağlı təkliflərin müzakirəsi barədə Azərbaycan Respublikasının İqtisadi Şurası iclasının qərarının icrası ilə əlaqədar “Aqrarkredit” QSC-nin Müşahidə Şurasının müvafiq qərarı ilə “Aqrarkredit” QSC-nin balansında, balans dəyəri 1 milyon manatadək olan əmlak və aktivlərin, habelə onlar üzrə borcların tələb hüquqlarının satılması və idarəetməyə verilməsi barədə Qaydalara uyğun olaraq İdarə Heyətinin qərarına əsasən birbaşa müsabiqə yolu ilə və hərrac vasitəsilə 164 min 167,77 manat dəyərində 28 daşınar əmlak və 2 milyon 280 min 227,62 manat dəyərində 19 daşınmaz əmlak satılmışdır.
Azərbaycanda 1,8 milyon manata - GƏMİ SATIŞA ÇIXARILDI - ƏTRAFLI
FED.az xəbər verir ki, bu barədə təşkilatdan bildirilib.
Qeyd edilib ki, “Aqrarkredit” QSC tərəfindən Azərbaycan Respublikası Nazirlər Kabinetinin Qərarı ilə təsdiq edilmiş “Problemli aktivlərin (əmlakların) və onlar üzrə tələb hüquqlarının satılması, idarəetməyə veriməsi və iştirak payı kimi qoyulması üzrə Müsabiqə Komissiyasının fəaliyyət Qaydalarına əsasən Müsabiqə Komissiyasının qərarına uyğun olaraq 8-i qeyri yaşayış sahələri, 2-si torpaq sahəsi və 1 ədəd fərdi yaşayış evindən ibarət olmaqla cəmi 11 əmlakın 19 milyon 706 min 660 manat ilkin satış qiyməti ilə hərrac vasitəsilə satışına hazırlıq görülür.
Hazırda əmlakların satışı ilə bağlı tədbirlər davam etdirilir.
