Qarşıdakı dövrdə Azərbaycanda dağ-mədən sahəsinə, xüsusilə də daş, qum və çınqıl karxanalarına nəzarət bir qədər də güclənəcək.
Eləcə də bax: Nazir qum-çınqıl karxanalarının fəaliyyətini sərt - TƏNQİD EDİB
FED.az xəbər verir ki, bu barədə Bakıda keçirilən «Dağ-mədən sektorunda mövcud problemlər, aparılan islahatlar və inkişaf perspektivləri» mövzusunda tədbirdə bildirilib.
Tədbirdə ölkənin dağ-mədən sektorunda aparılan islahatlar, yeni maliyyə mexanizmləri, sektorda dövlət inzibatçılığı məsələləri və sahənin inkişaf pespektivləri müzakirə edilib.
Tədbirdə çıxış edən Dövlət Vergi Xidmətinin rəisi Orxan Nəzərli bu sahədə vahid inzibatçılıq mexanizmlərinin təmin edilməsi barədə danışıb. O bildirib ki, hazırda İqtisadiyyat və Ekologiya və Təbii Sərvətlər nazirlikləri arasında bu sahədə həyata keçirilən işlərin tənzimlənməsi məqsədilə sıx koordinasiya qurulub. Ölkə başçısının yerin təkindən istifadə ilə bağlı mexanizmlərinin təkmilləşdirilməsi və bu sahəyə dövlət nəzarətinin gücləndirilməsini nəzərdə tutan müvafiq Fərmanından irəli gələrək hər iki nazirliyin nümayəndələrindən ibarət İşçi Qrup yaradılıb, bu sahənin inkişafı üçün strateji hədəflərin müəyyən olunması, bu sahədə “kölgə iqtisadiyyatı”nın aradan qaldırılması yollarının birgə müzakirəsi, eləcə də işğaldan azad edilmiş ərazilərdə faydalı qazıntıların çıxarılması ilə bağlı məsələlərin üzərində intensiv işlər həyata keçirilir.
O.Nəzərli yerin təki haqqında qanunvericiliyin təkmilləşdirilməsi və bu sahədə vahid inzibatçılıq mexanizmlərinin təmin edilməsi ilə bağlı görülmüş işlər, həmçinin yerin təki istifadəçilərinə əlverişli şəraitin və investisiya mühitinin yaradılması ilə bağlı bu il vergi qanunvericiliyinə edilmiş bir sıra dəyişikliklər barədə məlumat verib.
Tədbirdə Dövlət Mineral Xammal Ehtiyatlarından İstifadə Agentliyi İdarə Heyətinin sədri Samir Qurbanov, Kiçik və Orta Biznesin İnkişafı Agentliyinin İdarə Heyətinin sədr müavini Samir Hümbətov, “Azergold” QSC-nin İdarə Heyətinin sədri Zakir İbrahimov, “PAŞA Bank”ın İdarə Heyətinin sədri Taleh Kazımov və digərləri çıxış ediblər.
Tədbir təqdimat və panel müzakirələrlə davam edib.
