“Dayanıqlı və Operativ Sosial Təminat Agentliyi” (DOST Agentliyi) Tərtər və Neftçala rayonlarındakı DOST filialları üçün avadanlıq alınması məqsədilə iki ayrı tender keçirib. Maraqlısı odur ki, hər iki tenderin qalibi eyni şirkət olub.

DVX-nin texnoloji beyninin tenderlərdən qazancı 10 milyonu keçdi - DAHA BİR TENDER UDDU

FED.az xəbər verir ki, tender məlumatlarına əsasən, Tərtər filialı üçün müxtəlif növ avadanlıqların alınması üzrə tenderin qalibi “Mac Constructıon” MMC olub. Bu satınalma üzrə müqavilənin dəyəri 497 min 551 manat 96 qəpik təşkil edir.

İkinci tender isə Neftçala DOST filialı üçün nəzərdə tutulub. Bu dəfə də qalib dəyişməyib – yenə də “Mac Constructıon” MMC. Lakin bu müqavilənin dəyəri daha yüksəkdir – 755 min 606 manat 19 qəpik.

Beləliklə, iki tenderin ümumi dəyəri 1 milyon 253 min manatdan çoxdur və bu məbləğin tamamı eyni şirkətə ötürülüb.