Naxçıvan şəhər İcra Hakimiyyətinin Naxçıvan Şəhər Sanitar Təmizlik İdarəsi tərəfindən məişət tullantıları üçün tullantı qutularının alınması ilə bağlı elan edilən tender ləğv olunub.
Milli Məclisin maşınlarını vergi borcu olan şirkət - TƏMİR EDƏCƏK
FED.az xəbər verir ki, ləğvin səbəbi tenderdə iştirak etmək üçün təklifi və təklifin təminatını təqdim edən, eyni zamanda tələb olunduğu halda müvafiq lisenziyaya və ya icazəyə malik olan təchizatçıların sayının üçdən az olmasıdır.
Tenderin eihtimal olunan qiymət 330.000,00 AZN təşkil edirdi. Müsabiqənin dərc edildiyi tarix və vaxt 11 fevral 2025-ci il, saat 12:02 olub. Təkliflərin son təqdim olunma tarixi və vaxtı 4 mart 2025-ci il, saat 13:00 müəyyən edilib. Zərflərin açılışı da eyni tarix və saatda nəzərdə tutulmuşdu.
Müqaviləyə əsasən, 400 böyük və 200 kiçik tullantı qutusunun alınması planlaşdırılmışdı. Təchizatçıların sayının tələblərə cavab verməməsi səbəbindən tender baş tutmayıb.
