Banner

Tenderlər

Mədəniyyət Nazirliyindən əməliyyat öncəsi - YENİ MÜQAVİLƏLƏR - SİYAHI

Mədəniyyət Nazirliyindən əməliyyat öncəsi - YENİ MÜQAVİLƏLƏR - SİYAHI | FED.az
12:06 9 May 2020

Mədəniyyət Nazirliyinin tenderlərinin qalibləri məlum olub.

Eləcə də bax: İmişlidə dövlət tenderlərini - KİMLƏR UDURMUŞ? – SİYAHI, MƏBLƏĞLƏR

FED.az xəbər verir ki, nazirliyin mayın 6-da açıqladığı 9 tenderin ümumi məbləği 1 milyon 894 min 988 manat olub. Tenderləri "İticket Production" MMC, "Art Brandıng" MMC, "Setline" MMC və  "Ultra Technologies" MMC qazanıb.

9 tenderdən 6-nın qalibi "İticket Production" MMC olub. Şirkətin qazandığı 6 tenderin ümumi məbləği 1 milyon 438 min 89 manatdır.

"İticket Production" MMC Mədəniyyət Nazirliyinin aşağıdakı tenderlərini qazanıb:

  • Mədəniyyət günləri və tədbirlərin təşkili (295 min 531 manat);
  • Müasir Pyeslərin Beynəlxalq Müsabiqəsinin satın alınması (197 min 119 manat);
  • Reklam, çap və digər informasiya daşıyıcısı məhsullarının hazırlanması işlərinin satın alınması (295 min 106 manat);
  • Texniki, səs, işıq və səhnə avadanlıqlarının icarəsinin satın alınması (296 min 534 manat);
  • Azərbaycan rəssamlarının II Respublika sərgisi (196 min 470 manat);
  • Səhnə geyimlərinin hazırlanması işləri (157 min 329 manat).

Mədəniyyət Nazirliyi həmçinin:

"Art Brandıng" MMC ilə "Azərbaycan mədəniyyət təqvimi" elektron kataloqunun portalının hazırlanmasının satın alınması üçün 40 min manat;    

"Setline" MMC ilə Azərbaycan mədəniyyətinin təbliğ edilməsi məqsədilə reklam-çap, təbliğat məhsullarının hazırlanması və müxtəlif marketinq işlərinin təşkili 276 min 899 manat;

"Ultra Technologies" MMC ilə Mədəniyyət Nazirliyində istifadə edilən "DicNet" Elektron Sənəd Dövriyyəsi sisteminin yenilənməsi, sistemin Mədəni irsin Qorunması, İnkişafı və Bərpası üzrə Dövlət Xidmətində, Bakı Şəhər Mədəniyyət Baş İdaəsində tətbiqi, əlaqələndirilməsi və sistemə texniki dəstəyin göstərilməsi işlərinin satınalınmaı 140 min manat məbləğində müqavilələr imzalayıb.

Digər xəbərlər

Banner