Dövlət satınalmalarının vahid internet portalı (www.etender.gov.az) istifadəçi təcrübəsinin daha da yaxşılaşdırılması, proseslərin çevikləşdirilməsi və şəffaflığın artırılması məqsədilə funksional yeniliklərlə təkmilləşdirilib.

Qarabağda 2,5 milyon manatlıq layihəyə maraq göstərən olmadı - TENDER LƏĞV EDİLDİ

FED.az funksional dəyişiklik çərçivəsində yaradılan əlavə imkanları təqdim edir: 

• Şərtlər toplusunda dəyişiklik zamanı seçim imkanı:
  İndi istifadəçilər şərtlər toplusuna dəyişiklik etdikdə “Dəyişiklik” və ya “Vaxtın uzadılması” seçimlərindən birini seçə bilərlər.

• Şərtlər toplusunun yenidən yaradılması imkanı:
  İstifadəçilər daha əvvəl ləğv edilmiş satınalmanı əsas götürərək yeni şərtlər toplusu yarada və prosesi yenidən başlada bilərlər.

• Avtomatik dərc funksionallığı:
  Şərtlər toplusu əsasında yaradılan satınalmalar sistem tərəfindən avtomatik olaraq portala yerləşdirilir.

• Yeni yaradılmış versiyanın əvvəlki ləğv edilmiş versiya ilə əlaqələndirilməsi:
  Yenidən yaradılmış satınalmalara dair məlumatlar əvvəlki ləğv edilmiş versiyalarla sistem daxilində əlaqələndirilir və portal istifadəçiləri üçün keçid təmin olunur.

• Əvvəlki versiyalara baxış imkanı:
  İstifadəçilər şərtlər toplusunda əvvəlki versiyalara keçid edərək sənədin əvvəlki vəziyyəti ilə tanış ola bilərlər.

• İllik satınalma planından birbaşa keçid imkanı:
  Artıq illik satınalma planında nəzərdə tutulan satınalma üzrə birbaşa olaraq şərtlər toplusu və elana keçid etmək mümkündür.

• Çərçivə sazişi seçimi:
  Yeni sahə vasitəsilə istifadəçilər şərtlər toplusu yaradarkən çərçivə sazişi seçimini aktivləşdirə bilərlər.

• Video təlimatın yenilənməsi:
  İstifadəçilər üçün “Şərtlər toplusu” bölməsinə dair yenilənmiş video təlimat təqdim edilmişdir. Təlimata keçid: [Link]

• Texniki optimallaşdırmalar və düzəlişlər:
  Portalda performansın artırılması, istifadəçi rahatlığının təmin olunması və mövcud çatışmazlıqların aradan qaldırılması məqsədilə bir sıra texniki təkmilləşdirmələr aparılmışdır.