İqtisadiyyat Nazirliyi yanında Dövlət Vergi Xidməti “Dövlət Vergi Xidmətinin server otağında şəbəkə və əməliyyat sistemlərinin (Əsas Mərkəz + Ehtiyat Mərkəz + Backup Mərkəz), məlumat bazalarının, arxiv sistemlərinin (Əsas Mərkəz + Ehtiyat Mərkəz + Backup Mərkəz) monitorinqi və konsultasiya xidmətlərinin göstərilməsinin, Sifarişçiyə məxsus avadanlıqlarda quraşdırılmış Avtomatlaşdırılmış Vergi İnformasiya Sisteminin (AVİS-in) altsistemlərinə, internet vasitəsilə verilən xidmətlərə və vergi orqanlarının digər qurumlarla inteqrasiyası sisteminə, Bələdiyyə Vergi İnformasiya Sisteminin (BVİS-in), Beynəlxalq məlumat mübadiləsi sisteminə, elektron imzadan istifadəsinə, "Onlayn kassa" üzrə xidmətlər portalının proqram təminatına, analitik təhlil-hesabat (BI - Business Intelligence) sisteminə, banklar tərəfindən vergi ödəyicilərinin hesabları üzrə aparılmış əməliyyatlar barədə məlumatların təqdim edilməsi sisteminə, Azərbaycan Respublikasının İqtisadiyyat Nazirliyinin yanındakı qurumların Elektron Sənəd Dövriyyəsi (ESD) sistemlərinin kommunikasiya şlyuzu (Hovuz) vasitəsilə inteqrasiyasına, Yeni Elektron portalına ((e-Portal) Reliz 1, Reliz 2, Reliz 3, Reliz 4), Nəzarət Mexanizm Qurğularının (NMQ) proqram təminatına monitorinq xidmətinin və operatorlara bu proqramdan istifadəsinə, fiziki şəxs olan istehlakçılar tərəfindən Azərbaycan Respublikasının ərazisində bina tikintisi fəaliyyəti ilə məşğul olan şəxslərdən nağdsız qaydada alınmış yaşayış və qeyri-yaşayış sahələrinə görə ödənilmiş ƏDV-nin qaytarılması xidmətinə, "Öhdəliklər üzrə vergi ödəyiciləri ilə əlaqələrin idarə edilməsi" proqram təminatına, Azərbaycan Respublikasının İqtisadiyyat Nazirliyinin 195 Çağrı Mərkəzindən daxil olan sorğuların icrası ilə əlaqədar Dövlət Vergi Xidmətinin proqram təminatına texniki dəstəyin göstərilməsinin, Dövlət Vergi Xidmətinin Ehtiyat Mərkəzinin server otağında şəbəkə, əməliyyat sistemlərinin, məlumat bazalarının və arxiv sistemlərinin monitorinqi və konsultasiya xidmətlərinin göstərilməsinin AVİS-in fəaliyyətini təmin edən lisenziya və sertifikatların, "e-kassa.az", "edvgerial.az" domen adlarının satın alınması” tenderinin nəticələrini elan edib.
FED.az xəbər verir ki, tenderin qalibi “Cybernet” MMC olub.
Qalib şirkətlə 6 564 859 manat məbləğində müqavilə imzalanıb.
Qeyd edək ki, “Cybernet” MMC 2004-cü ildə yaradılıb, nizamnamə kapitalı 10 000 AZN təşkil edir. Şirkətin qanuni təmsilçisi Emil Əmirov Etibar oğludur. Hüquqi ünvanı AZ1154, Bakı Şəhəri Nərimanov Rayonu, İsmayıl Hidayətzadə, ev 11 ünvanında yerləşir.
