"Azərbaycan Texniki Universiteti" PHŞ tərəfindən komputer avadanlıqlarının satınalınması ilə bağlı elan edilmiş tenderin nəticəsi açıqlanıb.
FED.az biznes və maliyyə xəbərləri portalı xəbər verir ki, tenderin qalibi "Data Technologies" MMC olub. Müqavilənin ümumi dəyəri 1 684 644 manat təşkil edir. Ehtimal olunan qiymət isə 1 846 089 manat idi.
Qeyd edək ki, "Data Technologies" MMC son vaxtlar irihəcmli satınalmalarda fəal iştirak edir. Şirkət bundan əvvəl (18.12.2025) "Səhiyyə Müəssisələrinin Təminatı Mərkəzi" PHŞ tərəfindən Culfa regional tibb mərkəzi üçün KT (komputer tomoqrafiya) cihazının satınalınması üzrə keçirilən tenderin qalibi olub. Həmin müqavilənin dəyəri 1 998 455 manat təşkil edib.
Beləliklə, şirkət son dövrlərdə ümumi dəyəri 3 683 099 manat olan dövlət sifarişlərini qazanıb.
