Dövlət Sosial Müdafiə Fondu “DSMF-nin Aparatında əmək haqlarının, eləcədə DSMF tərəfindən icra olunan sosial ödənişlərin nağdsız qaydada ödənilməsi məqsədilə göstəriləcək bank xidmətlərinin satın alınması” tenderinin nəticələrini elan edib.
Bu şirkət dövlət qurumunu mebellərlə təmin edərək - 4,5 MİLYON QAZANACAQ
FED.az xəbər verir ki, tenderin qalibi “Azərbaycan Beynəlxalq Bankı” ASC (VÖEN: 9900001881) olub.
Qalib şirkətlə 22 981 530 manat məbləğində müqavilə imzalanıb.
Tender çərçivəsində 4.488.236.440 ədəd sosial ödəniş və 108.069.570 ədəd əmək haqqı ödənişi həyata keçiriləcək.
Qeyd edək ki, “Azərbaycan Beynəlxalq Bankı” ASC 1992-ci ildə yaradılıb, nizamnamə kapitalı 1281271392.54 AZN təşkil edir. Bankın qanuni təmsilçisi Abbas İbrahimov Məmmədəli oğludur. Hüquqi ünvanı AZ1005, Bakı Şəhəri Nəsimi Rayonu, Nizami, ev 67 ünvanında yerləşir.
