Cəbrayıl, Qubadlı və Zəngilan Rayonlarında Bərpa, Tikinti və İdarəetmə Xidməti “Zəngilan rayonu, Ağalı kəndinin birinci fazasının ikinci mərhələsi və Ağalı kəndinin ikinci fazasının yenidənqurulması layihəsi çərçivəsində tikinti işləri” tenderinin nəticələrini elan edib.
Laçında tikinti və abadlıq işləri ilə bağlı 36 milyonluq tenderlər - ELAN EDİLDİ
FED.az xəbər verir ki, tenderin qalibi “AS İnşaat” MMC olub.
Qalib şirkətlə 69 840 053 manat məbləğində müqavilə imzalanıb.
Bağlanmış müqaviləyə əsasən 243 fərdi yaşayış evi, 2 ədəd 2 mərtəbəli inzibati bina və 3 ədəd 3 mərtəbəli yaşayış binası tikiləcək.
Qeyd edək ki, “AS İnşaat” MMC 2003-cü ildə yaradılıb, nizamnamə kapitalı 100 120 AZN təşkil edir. Şirkətin qanuni təmsilçisi Azad Bağırlı Ramiz oğludur. Hüquqi ünvanı AZ1029, Bakı şəhəri Nərimanov rayonu, Ələsgər Qaibov, ev 11 B ünvanında yerləşir.
