Ərazi Tikinti-Planlaşdırma Mərkəzi tərəfindən Bakı şəhərinin Xətai rayonu ərazisində yerləşən istismar müddəti bitmiş qəzalı binaların söküntü işlərinin təşkili üçün layihə-smeta sənədlərinin hazırlanması xidməti üzrə tenderə yekun vurulub.

Respublika Dövlət Elmi Tibb Kitabxanasının 5 tenderi ləğv olundu - DETALLAR

FED.az xəbər verir ki, tenderi qazanan Azərbaycan Respublikası Fövqəladə Hallar Nazirliyi Tikintidə Təhlükəsizliyə Nəzarət Dövlət Agentliyi Dövlət Baş Layihə İnstitutu “Azərdövlətlayihə” olub. Şirkət bu iş üçün 10.822,81 AZN məbləğində müqavilə bağlayıb.

Tenderin ehtimal olunan qiyməti 20.166,94 AZN olaraq göstərilsə də, qalib şirkət bu məbləğdən 9.344,13 AZN az, yəni 46,34% daha aşağı qiymətə xidmət göstərməyi qəbul edib. Bu, dövlət büdcəsi üçün mühüm qənaət hesab olunur.

Tender çərçivəsində söküntü işləri Bakı şəhəri Xətai rayonu, Oksigen küçəsi, ev 1 və Marat Əmirxanov küçəsi, ev 14 ünvanlarında yerləşən istismar müddəti bitmiş qəzalı binalar üzrə həyata keçiriləcək. Layihə-smeta sənədlərinin hazırlanması və müəllif nəzarəti xidmətləri bu ərazilərdəki təhlükəsiz söküntü işlərinin düzgün və vaxtında icrası üçün vacibdir.