Azərbaycanda hüquqi və fiziki şəxlər üçün tender platforması olan www.TENDER.az fəaliyyətə başlayıb.
FED.az xəbər verir ki, layihənin rəhbəri Elvin Əliyev bildirdi ki, www.TENDER.az Azərbaycanda biznesin inkişafına xidmət edən “startup”dır:
“Platformasının məqsədi xidmət və mala ehtiyacı olanlar və bunları təklif edənlər arasında sürətli əlaqənin təmin edilməsidir. Layihə Azərbaycanda biznesin inkişafı və bu fəaliyyəti göstərən, öz biznesi geniş kütləyə təqdim etmək istəyən hüquqi və fiziki şəxslərə dəstək üçün yaradılmışdır.
Platformada müxtəlif sektorlarda fəaliyyət göstərən mindən çox sahibkar qeydiyyatdan keçərək öz xidmətlərini və məhsullarını təqdim etmişlər.
Ən vacib funksiyalardan biri sahibkarların, müştərilərin rəyləri əsasında formalaşan reytinqidir. Dürüst və keyfiyyətli xidmət göstərən sahibkarlar bu reytinq əsasında platformada irəli çəkilərək daha çox müştəri əldə edəcəklər. Bu funksiya müştəriyə etibarlı icraçının seçilməsində yardım edəcək.
Platformanın təməl prinsipi satınalmalar sahəsində maksimal şəffaflığının təmin edilməsidir. Bu xidmət, təchizat şöbələrinin işini sürətləndirəcək. Sifarişçilər tələb olunan mal və ya xidməti platforma üzəridən bir neçə şirkətdən təklif alaraq daha sərfəli qiymətə əldə edə biləcəklər. Şirkətlərdə təchizat və satış proseslərinin vahid bir platforma üzərindən aparılması, şirkət rəhbərinin istədiyi zaman həm təchizat həm də satış şöbələrinin işini yoxlaması, şirkətlərdə satınalmanın şəffaf aparılması, sağlam rəqabətin aparılması və yeni şirkətlərin bazara girməsini təmin etməkdir”.
Elvin Əliyev portalda qeydiyyatdan keçdikdən sonra sahibkarlara təqdim edilən imkanlar haqqında da məlumat verdi:
-Şirkətlər və fiziki şəxslər öz profil səhifələrini yaradaraq, göstərdikləri xidmətlər və ya satışa təqdim etdiyi məhsullar haqqında ətraflı məlumat yerləşdirə biləcəklər.
-Hüquqi və fiziki şəxslərin yerləşdirdiyi tenderlərə təkliflər verərək yeni müştərilərlə daha asan əlaqə qura biləcəklər.
-Şirkət sahibləri satış və təchizat şöbələrinin fəaliyyətinə və bu prosesin şəffaflığına tam nəzarət edə biləcəklər.
Xidmət və ya məhsul axtaran istənilən şəxs artıq saatlarla bu axtarışı etməyə ehtiyacı yoxdur. Bu platformada tender yerləşdirərək tələb olan məhsulu və ya xidməti daha sərfəli qiymətə, tez bir zamanda əldə edə biləcəklər.
www.TENDER.az platformasının əsas üstünlükləri ondan ibarətdir ki, saytımızda yerləşdirilimiş xidmətlər və məhsullar haqqında informasiya, heç vaxt silinmir, təklif etdilər xidmət və ya məhsul üçün yeni tələb yarandığı anda sahibkarın elektron poçtuna bu barədə məlumat gələcək”.
Marja
