Azərbcanda iri tenderlərin ardıcıl qazanan daha bir «tender çəmpionu» tapılıb.

FED.az xəbər verir ki, bu «Fərid» Firmasıdır (VÖEN 6200016771). 

«Fərid» Firması son il yarımda Təhsil Nazirliyinin elan etdiyi çoxsaylı iri tenderlərin qalibi olub. Maraqlı cəhət odur ki firma demək olar ki yalnız bağça - məktəbəqədər təhsil müəssisələrinini tenderlərini qazanır.  

1999-cu ildə yaradılan və cəmi 100 manatlıq nizamnamə kapitalına malik olan “Fərid” firmasının qanuna təmsilçisi Qubad İbrahimov Kərəm oğludur.

Hüquqi ünvanı Bakı şəhəri Xətai rayonu, Əhmədli qəsəbəsi Əhmədli dön.1-4, ev 9, m. 12 ünvanında yerləşən firma 2024-2025-ci illərdə Təhsil Nazirliyinin Təsərrüfat Hesablı Əsaslı Tikinti və Təchizat İdarəsi tərəfindən elan edilən 8 tenderdə qalib elan edilərək 50 milyon manatdan artıq sifariş alıb.

FED.az xəbər verir ki, 2023-cü ilin sonundan 1,3 milyonluq tenderlə başlayan bu tender silsiləsi məbləği hər dəfə artmaqla 2024-cü ilin sonunda 8 milyona, 2025-ci ilin iyulunda isə 9,7 milyon manata çatıb.

Sonuncu belə tender TN-nin Əsaslı Tikinti və Təchizat İdarəsi tərəfindən məktəbəqədər təhsil müəssisələrində genişmiqyaslı təmir, abadlıq və kommunal-kommunikasiya işləri üçün elan edilmişdi. «Fərid» Firması bu tenderdə qabil elan edilərək ümumilikdə 9 667 089 manat məbləğində sifariş alıb.

Yeri gəlmişkən, önəmli məqam odur ki, tender elanlarında satınalmanın əhatə etdiyi bağçaların dəqiq sayı göstərilmir. Məsələn, 9,7 milyon manatlıq işləri nəzərdə tutan sonuncu tenderin neçə bağçaya aid olması açıqlanmır.

Təhsil Nazirliyinin Təsərrüfat Hesablı Əsaslı Tikinti və Təchizat İdarəsi tərəfindən elan edilən və «Fərid» Firmasının qalib elan edildiyi tenderlər: