Aqrar Sığorta Fondu tərəfindən işçilərin könüllü tibbi sığortası və nəqliyyat vasitələrinin sığortası üzrə elan edilmiş tenderlərin nəticələri açıqlanıb.

• Sığorta qurumu sığortaçı axtarır

FED.az biznes və maliyyə xəbərləri portalı xəbər verir ki, Fond ümumi dəyəri 16 624 manat olan müqavilələr imzalayıb. Satınalmaların nəticələri aşağıdakı kimidir:

"Qala Sığorta" ASC – İşçilərə könüllü tibbi sığorta xidmətinin satınalınması. Müqavilənin dəyəri 14 960 manat təşkil edir.

Təcili və təxirəsalınmaz tibbi yardım; Ambulator- poliklinik yardım; Fizioterapiya (20 seans) və müalicəvi masaj (20 seans ); Hospitalizasiya və stasionar yardım; Stomatoloji yardım- diş daşları təmizlənməsi daxil (bir nəfər üçün il ərzində limit 1000 azn); Dərman təchizatı (bir nəfər üçün il ərzində limit 1000 azn); Sığorta olunanın müqavilə ilə nəzərdə tutulmayan tibb müəssisələrində aparılan müalicə xərclərinin ödənilməsi; Profilaktik tibbi müayinə (check up). Əlavə təminatlar: Xroniki xəstəliklərin müalicəsi; Sığortalının sığorta dövründən əvvəl mövcud olan halların müalicəsi; Qripə qarşı vaksinasiya; Vitaminizasiya; Təcili vaksinasiyalar. Optik eynəklər(təchizatı (bir nəfər üçün il ərzində limit 300 azn) Qeyd: Qiymət təqdim edilərkən Fondun işçilərinin 44 nəfər (kişi 28 və qadın 16) olduğu və hər bir işçi üçün təqdim olunan sığorta məbləğinin 15 min manat müəyyən olunduğu nəzərə alınmalıdır.

"A-Qroup Sığorta Şirkəti" ASC – Nəqliyyat vasitələrinin “Kasko” və daşınar əmlakın sığortası xidmətinin satınalınması. Müqavilənin dəyəri 1 664 manat təşkil edir.