2020-ci ilin yanvar-sentyabr aylarında Ağcəbədi rayonunda dövlət qurumları tərəfindən ümumi məbləği 898 min 579 manat olan 19 tender keçirilib.
Eləcə də bax: Şəkidə dövlət tenderlərini - KİMLƏR UDUR? – SİYAHI, MƏBLƏĞLƏR
FED.az-ın məlumatına görə, ən çox tenderi Ağcəbədi rayon İcra Hakimiyyəti keçirib. İdarə 9 tender keçirib. İcra hakimiyyəti həmçinin tenderlərin ümumi məbləğinə görə də birincidir. Belə ki, 9 tenderin ümumi məbləği 607 min 186 manat olub.
Bundan başqa, rayonda Ağcəbədi rayon Mərkəzi Xəstəxanası və Ağcəbədi Regional Mədəniyyət İdarəsi tenderlər keçirib.
Rayonda keçirilən 19 tenderdən 11-in fiziki şəxslər qazanıb. Fiziki şəxslərin qazandığı 11 tenderin ümumi məbləği 257,4 min manatdır.
Rayonda ən böyük tenderi "RCİ-İnkişaf 2014" MMC qazanıb. Şirkət abadlıq işləri üçün icra hakimiyyəti ilə 467 min 760 manat məbləğində müqavilə bağlayıb.
FED.az 2020-ci ilin ilin yanvar-sentyabr aylarında Ağcəbədi rayonunda keçirilən tender müqavilələrin siyahısını təqdim edir.
