Xəbər verildiyi kimi, Azərbaycanda pensiya qanunvericiliyinə hazırlanan yeniliklərə əsasən pensiya kapitalından istifadə qaydalarının dəyişdirilməsi gözlənilir.
Pensiyaya çıxmaq və pensiyanın hesablanması - QAYDALARI DƏYİŞİR – YENİ QANUN - DETALLAR
FED.az-ın məlumatına görə, millət vəkili Vüqar Bayramov bildirib ki, bu istiqamətdə qanunvericilikdə 2 yenilik nəzərdə tutulur.
Birinci yenilik:
«Əmək rensiyaları haqqında» qanunun 18-ci maddəsinə təklif olunan dəyişiklik ailə başçısını itirdikdən sonra dünyasını dəyişmiş şəxsın pensiyasının ailə üzvüləri arasında bölüşdürülməsini nəzərdə tutur. Hazırda yaşa, yaxud əlilliyə görə pensiya alan şəxs ailə başçısını itirdikdə və ailə başçısını itirməyə görə də pensiya hüququ yarandıqda öz pensiyasını seçirsə, ona hesablanan pensiya məbləği digər ailə üzvləri arasında bölüşdürülmür. Yəni dəyişikliklərdən sonra bu reallaşacaq.
Daha tez pensiyaya çıxa biləcək şəxslərin siyahısı - GENİŞLƏNDİRİLİR
Məsələn, 400 manat ailə başçısı dünyasının dəyişdikdən sonra onun yoldaşı öz pensiyasını almaqda davam edir. Yəni, o dünyasını dəyişmiş yoldaşının pensiyasını seçmir. Bu halda dünyasını dəyişmiş şəxsin yoldaşı öz pensiyasını alacaq və digər 400 manat isə ailə üzvləri arasında aylıq bölüşdürüləcək.
İkinci yenilik:
Dünyasını dəyişən ailə başçısının pensiya kapitalı da indeksləşdirilərək artırılacaq
Yeni layihə qəbul olunandan sonra, dünyasını dəyişən şəxsin pensiya kapitalının indeksasiya olunub artırılması halı mümkün olacaq. Qanunun 18.3-cü maddəsinə ediləcək düzəlişə əsasən pensiyaçı olan şəxs vəfat etdikdə və ailə üzvlərinin sonralar ailə başçısını itirməyə görə pensiya almaq hüququ yarandıqda həmin dövr ərzində də əmək pensiyasının sığorta hissəsinin məbləği indeksləşdiriləcək və ailə başçısını itirməyə görə pensiyanın sığorta hissəsi daha yüksək məbləğdə təyin olunacaq.
Məsələn, pensiyaçı dünyasını dəyişən zaman onun əmək pensiyasının sığorta hissəsi 50 min manatdır. Bu halda həmin şəxsin orta pensiya məbləği 347 manatdır (50 min manat/144 ay). Amma onun ailə üzvlərinin ailə başçısını itirməyə görə pensiya almaq hüququ 7 ildən sonra yaranır. Bu illər ərzində isə indeksasiya faizi 30 faiz olub. Bu zaman 50 min manat kapiitalın üzərinə 15 min manat əlavə olunacaq. Bu halda dünyasını dəyişən vətəndaşımızın əmək pensiyasının sığorta hissəsi 65 min manata çatıdılacaq ki, bu da ailə üzvü və ya üzvülərinin daha çox vəsait almasına imkan verəcək. Bununla da həmin şəxs üçün orta pensiya məbləği 347 manatdan 451 manatadək yüksələcək. Sığorta məbləğinin həcmi böyük olan zaman artımlar daha böyük faizlə ifadə olunacaq.
Dəyişiklik layihəsi Milli Məclisinin 26 Aprel tarixili Plenar İclasında müzakirəyə çıxarılacaq.
