“Bu aydan etibarən şəhidlərimizin valideynləri, həyat yoldaşları ilə yanaşı, onların övladları da gəlir vergisi üzrə güzəştdən istifadə edəcəklər. Vergi Məcəlləsinə edilən dəyişikliyə əsasən, şəhid ailəsi üzvlərinin hər hansı muzdlu işdən vergi tutulmalı olan aylıq gəlirləri 800 manat məbləğində azaldılır”.

Şəhid ailəsi üçün Prezident təqaüdünün aylıq məbləği - 600 MANAT OLDU

FED.az xəbər verir ki, bu fikirləri Milli Məclisin deputatı Vüqar Bayramov özünün “Facebook” hesabında yazıb.

O bildirib ki, şəhid övladları da artıq bu güzəştdən yararlana biləcəklər:

“Bundan əlavə, şəhidlərimizin valideynləri, həyat yoldaşları ilə yanaşı, övladlarının da hər hansı muzdlu işdən vergi tutulmalı olan aylıq gəlirləri 100 manat məbləğində azaldılacaq. Qeyd edək ki, əvvəllər bu güzəştlərdən istifadə hüququ şəhidlərimizin valideynləri və həyat yoldaşlarına şamil olunurdu”.

“Şəhidlərimizin övladlarının 18 yaşı keçdikdən sonra bu hüquqdan istifadə imkanı yaranır. Bu baxımdan, dəyişikliklər kifayət qədər mütərəqqidir və şəhid övladlarına yeni güzəştlərdən faydalanmağa imkan verəcək”, – millət vəkili əlavə edib.