2022-ci ilin yanvar-oktyabr aylarında ölkə iqtisadiyyatında muzdla çalışan işçilərin orta aylıq nominal əməkhaqqı 827,9 manat olmuşdur.
Gələn il yaşayış minimumu və ehtiyac meyarının həddi - 246 MANAT OLACAQ
FED.az xəbər verir ki, Dövlət Statistika Komitəsinin məlumatına görə, ölkə üzrə orta aylıq əmək haqqı əvvəlki ilin müvafiq dövrünə nisbətən 14,5 faiz artıb. Xatırladaq ki, rəsmi məlumatlara əsasən bir il əvvəl, yəni 2021-ci ilin noyabrın 1-ə olan məlumata görə ölkədə orta aylıq əmək haqqı 722,9 manat təşkil etmişdi. Son bir ildə orta aylıq əmək haqqı artımı 105 manat və ya 14,5% təşkil edib.
Son bir ayda isə əmək haqqının artımı cüzi olub. DSK-nin məlumatlarına görə, oktyabrın 1-ə ölkədə orta aylıq əmək haqqı 827,4 manat təşkil etmişdi, başqa sözlə ötən ay ərzində orta aylıq əmək haqqının artımı cəmi 0,5 manat təşkil edib.
