Ləğv prosesində olan “Standard Insurance” sığorta şirkətinin Ləgvetmə komissiyası tərəfindən şirkətə məxsus rekonstruksiya işlərindən sonra birləşdirilmiş 4 mənzilin satışı ilə bağlı növbəti hərrac keçiriləcək.

Eləcə də bax: “Standard Insurance”ın 2 mln manatlıq əmlakı - Satışa Çıxarılıb

FED.az xəbər verir ki, bu barədə “Standard Insurance”ın ləğvetmə komissiyasından məlumat verilib.

Hərrac “Xəzəryanı ixtisaslaşdırılmış Hərrac Mərkəzi” MMC tərəfindən 7 iyun 2021-ci il tarixdə saat 11:00-da Bakı şəhəri, Səbail rayonu Ə.Cavid küc.,ev 15 mən 1 ünvanda keçiriləcəkdir. Hərraca çıxarılan predmetin satış qiyməti: 1,8 milyon manat, iştirak haqqının məbləği: 500 manat, behin məbləği: 18 min manatdır.

Hərrac predmetinin ətraflı təsviri aşağıdakı cədvəldə öz əksini tapıb:

ASC “Standard Insurance” sığorta sirkətinin Ləgvetmə komissiyası bildirilir ki, 7 iyun 2021-ci il tarixində keçirilməsi nəzərdə tutulan hərrac satışı sayca üçüncüdür. Birinci və ikinci hərrac satışları müvafiq sayda iştirakçı olmadığı üçün baş tutmayıb. Bu səbəbdən hərrac qaydalarına uyğun olaraq əmlakın ilkin satış qiyməti (2 milyon manat) 10 % azaldılaraq üçüncü hərracda 1,8 milyon manat müəyyən edilir.

Hərracla bağlı daha ətraflı məlumatları isə aşağıdakı linklərdən əldə etmək münkündür:

https://tap.az/elanlar/dasinmaz-emlak/obyektler-ve-ofisler/25336904

Ləğvetmə komissiyası həmçinin bildirir ki, şirkətin digər əmlaklarının qanunvericiliyə və təsdiq edilmiş hərrac qaydalarına əsasən açıq hərrac yolu ilə satışının təşkili davam edəcəkdir və bu barədə ictimaiyyətə əvvəlcədən məlumat veriləcək.