Bu il yanvarın 1-nə olan vəziyyətə görə, "Naxçıvan Sığorta" ASC istisna olmaqla Azərbaycanda fəaliyyət göstərən 20 sığorta şirkətinin məcmu aktivlərinin 66,2%-i qısamüddətli, 33,8%-i isə uzunmüddətli olub.

FED.az xəbər verir ki, bu nisbət ötən il yanvarın 1-nə 81,4% - 18,6% təşkil edib. Başqa sözlə, 2018-ci ildə sığorta sektorunda qısamüddətli aktivlərin xüsusi çəkisi azalıb, uzunmüddətli aktivlərin xüsusi çəkisi isə artıb.

Bununla belə, ayrı-ayrı sığorta şirkətləri üzrə nisbət fərqlidir. Qısamüddətli aktivlərin payı 20 şirkətdən 7-də 90-100% arasında, 1 şirkətdə 80-90% arasında, 5 şirkətdə 70-80% arasında, 3 şirkətdə 60-70% arasında, 1 şirkətdə 60%, 2 şirkətdə isə 50-60% arasında, 1 şirkətdə isə 40-50% arasındadır. Başqa sözlə, uzunmüddətli aktivlərin payı 20 şirkətdən 7-də 0-10% arasında, 1 şirkətdə 10-20% arasında, 5 şirkətdə 20-30% arasında, 3 şirkətdə 30-40% arasında, 1 şirkətdə 40%, 2 şirkətdə 40-50% arasında, 1 şirkətdə isə 50-60% arasındadır.

"Naxçıvan Sığorta" aktivlərinin tərkibini açıqlamayıb.

Eləcə də bax: “Standard Insurance”nin sığorta ehtiyyatları 22% azalıb - HESABAT