"Qala Həyat" Sığorta şirkətinin 2025-ci ilin yekunlarına dair mənfəət və zərər hesabatını açıqlayıb.
FED.az biznes və maliyyə xəbərləri portalı xəbər verir ki, şirkətin cəmi gəlirləri 2025-ci ildə 28 milyon 980 min manat təşkil edib. Bu, 2024-cü ildəki 27 milyon 661 min manat ilə müqayisədə 1 milyon 318 min manat (4,8%) artım deməkdir.
Əsas əməliyyat gəlirləri 30 milyon 815 min manata bərabər olub ki, bu da, illik 5 milyon 232 min manat (20,4%) artım deməkdir.
İnvestisiya gəlirləri 743 min manat (47,2%) artaraq 2 milyon 317 min manata yüksəlib.
Digər gəlirlər bir il ərzində 435,5 min manat (7,9 dəfə) azalma ilə 63,5 min manata düşüb.
Şirkətin cəmi xərcləri 2025-ci ildə 16 milyon 402 min manat təşkil edib. Bu, 2024-cü ildəki 17 milyon 264 min manat ilə müqayisədə 862 min manat (5,0%) azalma deməkdir.
Əsas əməliyyat xərcləri 4 milyon 299 min manata bərabər oluib ki, bu da əvvəlki illə müqayisədə 1 milyon 594 min manat (27%) azalma deməkdir.
İşlərin aparılması xərcləri 12 milyon 092 min manat təşkil edərək, illik müqayisədə 749 min manat (6,6%) artıb.
Digər xərclər 17,9 min manat (2,2 dəfə) azalaraq 15 min manata düşüb.
Maliyyə mənfəəti 2025-ci ildə 12 milyon 578 min manat təşkil edib. Bu, 2024-cü ildəki 10 milyon 397 min manat ilə müqayisədə 2 milyon 181 min manat (21%) artım deməkdir.
Şirkət 2025-ci ildə 2 milyon 515 min manat mənfəət vergisi ödəyib. Bu, 2024-cü ildəki ödənilmiş mənfəət vergisindən 436 min manat (20,9%) artıqdır.
Bütün bu dəyişikliklərdən sonra, "Qala Həyat" Sığorta şirkətinin xalis mənfəəti 2025-ci ildə 10 milyon 62 min manat təşkil edib. Bu, 2024-cü ildəki 8 milyon 318 min manat ilə müqayisədə 1 milyon 744 min manat (21,0%) artım deməkdir.
