Son dövrlər biznes obyektlərində böyük yanğın hadisələri əmlak sığortasının aktuallağını artırıb. Bu sahədə əsas problemlərdən biri isə ondan ibarətdir ki, sahibkar biznesini, danışmaz əmlakını natamam sığortalayır. Hadisə zamanı isə dəyən ziyanı tam həcmdə əldə etməkdən məhrum olur.
"Bu il daşınmaz əmlakın icbari sığortası üzrə 100 milyon manatlıq yığım gözlənilir"
FED.az xəbər verir ki, bunu "AZSIĞORTA" şirkətinin Direktorlar Şurasının sədri Viladi Maniyev deyib.
O qeyd edib ki, əksər hallarda hadisə zamanı narazılığa səbəb olan amil obyektlərin natamam sığortasıdır.Bəzi sahibkarlar sığorta xərclərini azaltmaq üçün, əmlakın dəyərini ciddi şəkildə azaldır. Bu halda sığorta şirkətinin yeganə ümidi, müştərini maarifləndirmə yolu ilə bu səhv addımdan çəkindirməkdir. Təəssüf ki, əksər hallarda bu nəticə vermir:
"Daşınmaz əmlakın icbari sığortası üzrə tarifi 0,2 faizlə hesablansa 1 mln. manatlıq sığorta predmetinin bir illik sığortası üçün sahibkar 2000 manat ödəməlidir. Sahibkar əmlakın dəyərini 100 min manat olaraq bildirməklə, sığortaya görə 200 manat ödəyir və hesab edir ki, 1800 manat qənaət edib. Hadisə baş verir və sahibkar sığorta müqaviləsində göstərilən tam məbləği alır, yəni 100 min manat. Real zərər isə 500 min manatdır. Beləliklə, 1800 AZN “qənaət” etməklə, sahibkar 400 min manat itkiyə gedir. Bizim təcrübəmizdə olub ki, müştəriyə 1,7 mln. manat sığorta ödənişi etmişik, lakin onun real ziyanı 20 mln. manatı aşıb" - Viladi Maniyev əlavə edib. (Apa)
