Banner

Sığorta

“Peşəkar Sığortaçı Sertifikasiyası” imtahanına - QEYDİYYAT BAŞLAYIB

“Peşəkar Sığortaçı Sertifikasiyası” imtahanına - QEYDİYYAT BAŞLAYIB | FED.az
15:41 9 Yan 2020

“Peşəkar Sığortaçı Sertifikasiyası” imtahanına qeydiyyat  başlayıb. 

FED.az xəbər verir ki, sığorta şirkətlərinin əməkdaşları, karyerasını sığorta sahəsində qurmaq istəyən şəxslər, fərdi sığorta agentləri və həmçinin sığorta sahəsinə marağı olan tələbələr üçün Azərbaycan Mühasiblər və Risk Peşəkarları Assosiasiyası (ARPA) “Peşəkar Sığortaçı Sertifikasiyası” (PSS) imtahanlarını təşkil edir.

Eləcə də bax:Daşınmaz əmlakın icbari sığortası barədə - BİLMƏLİ OLDUĞUMUZ MƏLUMATLAR

ARPA sığorta sahəsində Azərbaycan dilində ilk sertifikasiya proqramı olan PSS-in 2020-ci il üzrə təşkili nəzərdə tutulan imtahanlarına qeydiyyat prosesinə başlamışdır.

Həmçinin əvvəlki illərdən fərqli olaraq, 2020-ci ildə PSS-in mövcud “Sığorta işinin əsasları” imtahanına əlavə olaraq, iki yeni sertifikasiya səviyyəsi – “Həyat sığortasının əsasları” və “İcbari sığorta qanunvericiliyi” üzrə imtahanlar təşkil olunacaqdır.

İmtahan üçün qeydiyyatı ARPA-nın veb-səhifəsi (www.arpa.org.az)vasitəsilə həyata keçirə bilərsiniz. Həmçinin imtahan proqramı, tədris materialları, imtahan qiyməti və tarixləri haqqında ətraflı məlumatı da bu səhifədən əldə etmək mümkündür.

Qeyd etmək lazımdır ki, PSS imtahanlarının keçirilməsi ARPA ilə sığorta və maliyyə xidmətləri sahəsində dünyanın ən böyük peşəkar qurumlarından olan İmtiyazlı Sığorta İnstitutu (CII) arasında əməkdaşlıq əlaqələrinin nəticəsində mümkün olmuşdur. ARPA CII-in lisenziyalı regional imtahan mərkəzidir və PSS tədris proqramını CII-ın tədris vəsaitləri əsasında hazırlamışdır.

 

Banner

Digər xəbərlər

SORĞU

Azərbaycanda hansı həyat sığortası şirkətinə etibar edirsiniz?